المر بزياده
اه والف اه يازمن من المر بزياده
من يوم عرفناه بنشربها يا ناس ساده
والفرح غاب عننا.والسعد خاصمنا
والنصر ولى وهرب من غير عواده
وكل مانقوم نقف..يرجع لنا بقدمه
لحد لما النواح اصبح عندنا عاده
...........
مر ومرر حياتنا من يوم ماجا لينا..
فرج علينا الخلايق ..وشمت العدا فينا
خدنا فى سكه محاكم ولا خلى شئ لينا
واحنا اللى كانوا الناس بيحلفوا بينا
كنا فى اى مكان ينضرب تعظيم سلام لينا
وكنا وكان يتوصف اسم الشرف بينا
خللى شريفنا حرامى.ونهشوا الكلاب فينا
................
بالونه منفوخه وفيها بق يتكلم..
والكل عنده حرامى وهو شريف ومعلم
مع انه كان مسجون.ولسه يادوب خارج
لكن تقول ايه .مافيش اهطل بيتعلم
..................
مجنون ماتعرفش والا عبيط والا اهبل
عمال يهلفط يخرف ويرفص ويستهبل
فاكرنا هنصدقه واحنا ميتين من الضحك
عاللى فاكرنا بنضحك ليه ونهلل
............
هاموت يا ناس والنبى اللى اختشوا ماتوا
والمر اصبح عسل اصل الرجال ماتوا
لبس القرود البدل وعلى الحبال رقصوا
حتى انعدام الادب ..صبح الادب ذاته
.................
ياعمنا المستشار اماتشوف مكان غير ده
ابعد ياشيخ عننا..وروح على ناسك
نادى الزمالك يا مر هو اللى باقى لنا
ابعد كفايه حرام..ابوس قفا راسك
.......................
وعجبى!!!؟
اصل كلمة زمالك
كلمة الزمالك تركية الأصل عرفها المصريدما أراد محمد على والى مصر و حاكمها فى النصف الأول من القرن التاسع عشر أن يقيم معسكرات لقيادات الجيش فى تلك الجزيرة التى تقع فى حضن نهر النيل و تتوسط القاهرة و تكون قريبة من الأسطول البحرى ..و ضم لتلك المعسكرات بعض أفراد الجيش الذين كانوا من المحافظات النائية و أطلق على تلك المعسكرات كلمة " الزمالك ".. و استمر الحال حتى أصبحت عامرة بالسكان و لجمال موقعها و سحرها تسابق عليها علية القوم طيلة القرن التاسع عشر حتى أطلق عليها حي الأرستقراطيين و مع الأيام حولتها اللهجة العامية من زملك إلى زمالك .
فكرة تأسيس نادى الزمالك عام 1911
فى مايو 1910 رأى جمهور من القضاة و المستشارين و معهم كبار الموظفين في المحاكم المختلطة ضرورة تأسيس نادي يتداولون فيه الآراء و المشورة و التلاقي والرياضة أيضا و أستمر الجدل بينهم حتى جاءت بداية 1911 وتم الاتفاق على إشهاره تحت اسم نادى قصر النيل نظرا لموقعه الجغرافي في المكان الذى كان يشغله حينئذ مكان كازينو النهر حاليا بالجزيرة..وترأسه البلجيكي مرزباخ.
نبذة عن تاريخ نادي الزمالك
نادى قصر النيل من 1911 إلى 1913
النادى المختلط من 1913 إلى 1941
نادى الملك فاروق من 1941 إلى 1952
نادى الزمالك منذ 1952 وحتى الان
نادي الزمالك هو نادي مصرى عريق أنشيء في بداية القرن العشرين (1911) تحت اسم نادي قصر النيل لأنه كان يشغل مكان (كازينو النهر) الحالي بالجزيرة وكان الغرض في مكانه هذا هو ان يكون مقابلا للنادى الأهلى المصري وكأن مرزباخ قد حلم وتخيل بأن هذين الناديين يوما سيكونانا أهم ناديين على مستوى القارة الأفريقية والعالم العربى وفي عام 1913 انتقل النادي إلى مقر ثاني عند تقاطع شارع 26 يوليو ورمسيس الحاليين في مكان مباني (الشهر العقاري . ودار القضاء العالى )وتغير اسمه إلى المختلط لأنه كان يحوي بين جنباته عدة جنسيات سواء من أعضائه أو لاعبيه. ثم تغير اسمه مرة أخرى إلى نادي فاروق و كان ذلك في عام 1942 عندما حضر ملك مصر (فاروق) مباراة نهائي كأس مصر التاريخية بين الزمالك و الأهلي و فاز الزمالك فيها على الأهلي 2-0 مما جعله يطلب من (حيدر باشا) وزير الدفاع ، و رئيس النادي وقتها أن يغير اسم النادي إلى (نادي فاروق). و مع ثورة 23 يوليو 1952 تغير الإسم مرة ثالثة إلى اسمه النهائي, و هو نادي الزمالك.
ليست هناك تعليقات:
إرسال تعليق